Egypt: Updates on detained labour lawyer Haytham Mohamadeen (Arabic)

04/08/19

في عيد ميلاد المحامي الحقوقي #هيثم_محمدين
للعام الثاني على التوالي، يقضي المحامي الحقوقي هيثم محمدين، عيد ميلاده والذي يوافق اليوم 4 أغسطس، في محبسه.
السنة الماضية، كانت معتقلا على ذمة القضية التي عرفت إعلاميا باسم “معتقلي احتجاجات غلاء المترو”، وهذا العام، على ذمة القضية رقم 741 لسنة 2019 حصر أمن دولة.
وتقدم المفوضية المصرية للحقوق والحريات، فيديو بمناسبة عيد ميلاده.

#أوقفوا_التنكيل_بهيثم_محمدين
#الحرية_لهيثم_محمدين
#المفوضية_المصرية_للحقوق_والحريات

Image may contain: 4 people, text

#رسالة_لهيثم_محمدين في عيد ميلاده
#كل_سنة_وأنت_طيب_يا_هيثم

الدكتورة سالي توما للمفوضية المصرية للحقوق والحريات:
هيثمين…غيابك المرة دي عليا صعب جدا عشان كنت اتعودت على إننا بنزق بعض.. شبه بعض إحنا في أدوارنا إننا نشيل ونشجع ونزق الكل مهما كانت أرواحنا وأجسامنا منهكة.. شبه بعض في وجعنا وسنين ياما هبدت فينا، لكن أهم شبه على الإطلاق إننا بنعيش برغم كل ده مفهوم معنى كلمة مكملين بعبلنا يا صاحبي زي ما قلنا كتير.
كان أحلى شم نسيم عشان قضيناه سوا وشفت راحتك وسط صحابنا وأنت بتفتك بالسمكة حتى ذيلها ورأسها وبعدها جه رقصها، وحشني أقولك هيثمين وأن التلات بتاع هيثمين.. أول جلسة تجديد ليك وأنا عارفة أني مش هدخل بعتلك مراسيل ياما وعرفت أن مفيش محامي مقالكش سالي برة.
عارف يا هيثم يوم ما اتكلمنا عن أن كل المعتقلين أكيد يهمونا بس أزاي حاسين إننا يمكن منخصش حد بالذات، أهو أنا يومها جيت عشان أقولك تخصني، وعلى فكرة تخص كتير مش بس من دافع محبة أو حتى واجب لكن بسبب كونك هيثم بتاعنا.
أنا بتطمن وأنت موجود يا هيثم مع أنه كان يبان أني بحاول أعمل العكس وأنا أطمنك، لكن اللي حصل أن وجودك كان متطمني وعشان كدة يومها حسيت أد أيه تخصني.
عارفة ما بتحبش النكد ولا الافورة دي في المشاعر بس انت عارف انا بتاعت مشاعر و بتاعت قاوم فبعد الصلب نهاية 🙂 انا بشوفك الوان قريبة ليا يا هيثم..الوان بتريحني و تنكشني في نفس الوقت…أنا متأكدة انك جوة قاعد تنقذ نفوس ياما و قاعد تتبنى و تراعي و تدي عشان ده انت بس انا عايزاك تعرف أن فيه هنا ليك حاجات ياما مستنية اعملهالك…كنا متفقين على طالعة بحر يا هيثم و سميناها براح.
وقبل البحر بكام يوم حصل اللي حصل…انا رحت للبحر ويا رفاقنا و حسيت اد ايه غضبان مبيضحكش مع انك انت بتضحك…انا مستنظراك تخرج افك النكد و الانسحاب عشان حتى البلاشفة و المناشفة بقوا عندي بلح في غيابك يا عم
كل سنة وأنت طيب و حر رغم زنازينهم!! العصفور مكانه سما ونور. أخرج عشان أعملك شم نسيم ولو في عز الحر ولا البرد.. تخصني يا حر.

#الحرية_لهيثم_محمدين
#أوقفوا_التنكيل_بهيثم_محمدين
#المفوضية_المصرية_للحقوق_والحريات

#رسالة_لهيثم_محمدين في عيد ميلاده
#كل_سنة_وأنت_طيب_يا_هيثم

المحامية الحقوقية ماهينور المصري:
يا عندليب يا أحمر، كل سنة و أنت طيب.. بس أطيب من كدة إيه مش عارفة و كل سنة و إنت حر، بس حر أكتر من كدة إيه مش عارفة.
أول مرة شوفتك فيها كنت ملزق شعرك على جنب (أيام ما كان عندك شعر بقى) ولابس بدلة ودخلت قولتلنا السلام عليكم، كنا في القاهرة عدة طلبة اشتراكيين.. رحت بصة لحد وقولتلهم مين العندليب الأحمر ده (أحمر علشان شيوعيين وكدة يعني).
كنت أيامها ماعرفكش فكنت بحسك جد أكتر من اللازم.. طبعا كل ده اختفى لما بقينا صحاب يا هيثم.
الكل عارف هيثم المناضل، المحامي، ضهر العمال بس صحابك بس اللي عارفين قد أيه أنت إنسان نادر الوجود.
لما كنت محبوسة جيت وقفت قدام القفص علشان تداريني علشان كنت خايف اتهور وأقول حاجة القاضي.. متصورين مع بعض وأنا جوة وأنت برة.. لسة بشوفها وأقول قريب حتبقى برة.
مفتقدة قعدات القهوة والدردشة في أمور الحياة عامة.. طبعا ظروفك الأخيرة خليتك شايل بدل الحمل آتنين وجات الحبسة إللي مالهاش لازمة شيلتك آكتر.. مش عارفة إذا كان قدر ناس معينة يفضلوا يدفعوا تمن.. بس الظلم فعلا بيوجع وبعادك يا صديق برضه بيوجع.
أوعدك لما تطلع حلبس تيشيرتات بكم زي ما نصحتني علشان التنيا إللي عندي.. مع إني كدة مش حاعرف اتريق عليك وأنت لابس بكم في عز الصيف.
قريب حنكمل قعدتنا ونشرب كل الشاي والشيشة إللي فى الدنيا. كل سنة و إنت عندليب بجد بتغرد دايما برة القضبان ويا رب ما ترجعلها تآني ابدا.

#الحرية_لهيثم_محمدين
#أوقفوا_التنكيل_بهيثم_محمدين
#محامي_الغلابة
#المفوضية_المصرية_للحقوق_والحريات

Image may contain: 4 people

أكثر من 80 يوما منذ اعتقال المحامي الحقوقي هيثم محمدين، في 13 مايو الماضي، واخفاءه قسريا لمدة 3 أيام قبل الظهور في نيابة أمن الدولة متهما في القضية رقم 741 لسنة 2019 حصر أمن دولة.
وللعام الثاني على التوالي، يكتب على هيثم محمدين أن يقضي عيد ميلاده في الزنزانة، متهما بدعم الفقراء والعمال والمطالبة العدالة الاجتماعية.
شاركونا اليوم التدوين عن #هيثم_محمدين، لتهنئته بعيد ميلاده أولا، والمطالبة بحريته وحرية كل المعتقلين السياسيين ثانيا.

#أوقفوا_التنكيل_بهيثم_محمدين
#الحرية_لهيثم_محمدين

(المفوضية المصرية للحقوق والحريات Facebook, 04/08/19)

https://www.facebook.com/events/943382962679428/

https://www.facebook.com/events/219129945650144/

https://egyptsolidarityinitiative.org/2019/07/19/trade-union-leaders-call-on-egypts-military-regime-to-release-hisham-fouad-and-haitham-mohamedain/ (ENGLISH)

https://www.frontlinedefenders.org/en/case/detention-and-prosecution-haytham-mohamadeen (ENGLISH)

https://egyptsolidarityinitiative.org/2019/06/08/haitham-mohamedains-detention-sparks-fears-of-new-crackdown-amnesty/ (ENGLISH)

https://www.frontlinedefenders.org/fr/case/detention-and-prosecution-haytham-mohamadeen (FRANCAIS)

N.B.: Haytham Mohamadeen celebrates his birthday today, behind bars.

Image may contain: 2 people, people smiling, beard, text and outdoor

 

Tagged: ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: